Y mae i'r gair "bawaidd" fwy nag un ystyr. Yr ystyr amlaf yw "mean". Arferir yr enw eto yn Saesneg Sir Faesyfed er mwyn tywallt dirmyg ar "meanness", ebe hwy – "The old bêw!". Ond yng ngwaelod Glyn Ceiriog ystyr arall sydd iddo, ac ystyr lai diniwed, sef gwael, lluddedig, "collapsed". Clywais ddarlunio gŵr wedi rhedeg at y tren, ac yna'n syrthio'n lluddiedig, – "Pan gyrhaeddodd y tren, yr oedd yn fawedd iawn".