ceffyl blaen a cheffyl bôn: I gywiro camgymeriad llawer un, nid ochr yn ochr y byddai ceffylau gwedd yn tynnu trol ond yn hytrach y naill o flaen y llall mewn tandem. Gelwid y cyntaf, a oedd yn fwy profiadol, yn geffyl blaen a'r llall yn geffyl bôn – yr agosaf at y drol. Aeth ceffyl blaen yn ddisgrifiad cyfatebol am rywun oedd eisiau cynnull dipyn o bwysigrwydd ac awdurdod boed ar y fferm neu yn y capel.